Të rinjtë përbëjnë një shtyllë thelbësore në ndërtimin e një demokracie të qëndrueshme dhe gjithëpërfshirëse. Megjithatë, pjesëmarrja e tyre në proceset zgjedhore në Shqipëri mbetet e ulët. Në zgjedhjet parlamentare të vitit 2021, vetëm 17.5% e të rinjve morën pjesë në votime, ndërsa në zgjedhjet lokale të 2023-ës, pjesëmarrja e përgjithshme ishte 37.79% dhe përfshirja e të rinjve vazhdoi të jetë e ulët. Këto shifra nënvizojnë nevojën për të forcuar edukimin qytetar dhe për të krijuar mekanizma që nxisin përfshirjen aktive të të rinjve në vendimmarrje. Vetëm përmes një angazhimi më të madh të brezit të ri mund të sigurojmë një të ardhme demokratike më të fortë dhe më përfaqësuese.
