Qendra Aleanca Gjinore për Zhvillim (GADC), në kuadër të hartimit të raportit të vitit të tretë monitorues të Kontratës Sociale në Bashkinë Tiranë, organizoi një fokus grup me banorët e njësisë administrative Baldushk për të diskutuar mbi përmbushjen e prioriteteve nga Bashkia.

Ndër të tjera, banorët ngritën problemin e transportit publik, duke qenë se linja e Baldushkut nuk shkon në fshatrat e tjerë dhe autobusi vjen shumë rrallë; problemin e mungesës së një rrjeti të furnizimit me ujë; problemin e kanalizimeve, të cilat mungojnë në të gjithë fshatrat e njësisë përveç Baldushkut. Një tjetër çështje e ngritur është mungesa e një qendre komunitare, një këndi lojërash për fëmijë dhe e çerdheve.

Të gjitha gjetjet nga këto takime do të pasqyrohen në raportin e vitit të tretë monitorues ku do të analizohet puna e Bashkisë Tiranë për përmbushjen e Kontratës Sociale.