CSDC ka organizuar nje takim me studente, bamore dhe anëtarë të Këshillit Vendor Rinor ne kuader te Kontrates Sociale POP Durres 2023. Ndër çështjet që u shprehën si më prioritare ishin: – Infrastruktura dhe shërbimet publike – rruga kryesore e pashtruar (Lgj.7 dhe 8); rrugët dytësore një pjesë janë pa ndriçim; në NJA nuk ka vendqëndrime dhe orare të afishuara, si dhe autobuzi i fundit në orën 18:00 është shumë herët; në NJA ka nevojë për më shumë çerdhe dhe kopshte. – Demokracia vendore dhe mirëqeverisja – përmirësimi i komunikimi të punonjësve të Bashkisë dhe ofrimi i shërbimit në sportele, pavarësisht digjitalizimit. – Zhvillimi ekonomik vendor – të ofrohen programe nxitëse dhe lehtësira pë bizneset e ngritura nga gratë dhe të rinjtë. – Dimensioni social në nivel vendor – duhet investuar më shumë në programe dhe aktivitete për të rinjtë, si dhe aktivitete kulturore; duhen ngritur shërbime sociale dhe në NJA, sidomos për PAK; janë të nevojshme shërbimet sociale në terren; duhen ngritur shërbime rehabilituese për të mbijetuarit e dhunës, të cilat të ofrojnë strehim më afatgjatë se qendrat e emergjencës.